منتديات شمس قطر - مشاهدة مشاركة فردية

بـيــداء · 31-01-2010, 05:49 PM

الســــــــلام عليــــــــكم

شلونكم يا احلى طباخات ....

بعرض لكم طريقتي للبرياني الدجاج واتمنى انها تعجبكم ..

اول شي عقب ما تنظفين الدجاج وتقطعينه قطع وتنقعينه بالملح والليمون والخل فتره

حطيه بطاسه ورشي عليه بهارات وفلفل اسود وملح وشوية نشا
وقلبيه قلبيه قلبيه
(نصيحه قطع الدجاج حاولي تشرحينها شوي بالسكين يعني جنج بتشرحينها عشان البهارات تدش بين اللحم)

بعدين تقلينه بالزيت (احنا رشينا شوية نشا مع البهارات عشان تمسك بالدجاج ولا تروح بالزيت)

بعدين تهرسين
تقريبا 7 فصوص ثوم وعليهم شوية بصل مفروم

وتحطينه بجدر وتحمسينه وفوقه بقدونس مفروم

بعدين تحطين فوقه 2 روب وتحطين الدجاج وتقلبينه تقلبينه بس خلي النار متوسطه وغطي الجدر

طبعا ما اقدر اوصف لكم الريحه اشكثر طيبــــــــــــــه

بعدين تحطين العيش المنقوع ثلث ساعه فوق الدجاج عقب ما طبخ وخلطة الرو صارة قليله

وترشين عليه قفة شاي من صبغ العيش هذا

وعلى ما يطبخ البرياني جهزي بصل مقلي للتزيين

وهذا الشكل النهائي بعد تزيينه بالبصل والليمون وسامحوني عالتصوير اللي مو واضح

وعليــــــــكم بالعافيــــــــــه

منقول