منتديات شمس قطر - مشاهدة مشاركة فردية

بـيــداء · 03:25 PM

السلام عليكم

اليوم راح اعطيكم مقادير البتر جكن اللي اسويها
وانا بصراحه من غير مبالغه احسى احلى والذ من مغل محل (طبعا بشهادة اهلي والي جربوها)

المقادير

- 4 صدور دياي مخلى من العظم ومقطع الى مربعات
- نص زبده
- نص قفشه ثوم مهروس
- نص قفشه زنجبيل مبشور
- 2 طماط مفروم
- كريما حامضه تقريبا علبه الا ربع مخلوطه مع ربع قلاص ماي
- 4 الى 5 ملاعق قفاش معجون طماط
- فلفل علب واحد
- (كاري - كركم - بهار التندوري ) كلهم قفشه وسط الا بهار التندوري قفشتين وسط
_ طبعا ملح وفلفل اسود

الخطوات : -

اول شي ايبي جدر وحطي قفشه زيت ونص اصبع الزبده واول ما تذوب حطي عليها الزنجبيل والثوم ، اول ما تطلع ريحته حطي فوقهم الدياي وحركيه لين يتغير لونه وتحسينه بدا يستوي

حطي فوقهم الطماط والعلب والبهارات وحطي عليهم ربع قلاص ماي وحركيهم تقريبا 20 دقيقه على نار وسط او اخف شوي
وبعدها ضيفي معجون الطماط والملح والفلفل الأسود وحركي لي مده 5 الى 7 دقايق وبعدين طفي النار وحطي فوقهم الكريما وخلطيهم عدل

طبعا تقدرين تاكلينه مع خبز ايراني او عيش انا بصراحه سويته مع عيش اصفر

وهذي صورته

وهذا العيش الأصفر

وهذي صورة السفره

منقول