السلام عليكم ورحمة الله وبركاته
انا اليوم حابة اسألكم ونسوي استفتاء ونشوف منو مع ومنو ضد قانون الموارد البشرية
بالنسبة لي انا احس ان احنا تضررنا شوي خصوصا ان راتب زوجي بينزل وكنا نبي نأجر فيلا الحين اتوقع مافي امل وربي مارقدت من امس وانا افكر بهالموضوع حرام ياناس والله حرام تعبنا من هالغلا ومن هالاسعار اللي كسرت ظهورنا والحين ينزلون رواتبنا ياربي ليش هالمعاناة
الحين اتمنى كل واحد يبدي رايه تفضلوا شاركونا

قالوها يا أختي الفاضله مصائب قوم عند قوم فوائد

الاخت هجران
ألا بذكر الله تطمئن القلوب
وفي نفس الوقت ؟؟؟؟
من أعرض عن ذكري فإن له معيشة ضنكا
سامحيني أختي كذا مو كلامي بل كلام المولى عز وجل
إحتسبي الاجر من الله فلن يضيعك الله
وسامحيني

الحمدلله اختي احنا مؤمنين بربنا ولا ماكنا صبرنا بس حرام اللي يصير عالاقل يعالجون هالغلاء مو بس لنا الحمدلله احنا احسن من غيرنا لكن في ناس موقادرة تعيش

أنا فرحت لأن عيالي زادت رواتبهم ....والله يوفق الجميع

وزعلت لأن مالي زيادة .....طبعا لأني متقاعدة

اختي القانون بالنسبة لي انا لاني اشتغل بجهة حكومية وايد زين

اما الهيئات والمؤسسات الخاصه اعتقد هم متضررين كثير الله يعينهم.. والله لو يسألونا موافقين على ان انهم يكونون اعلى منكم راتب بنوافق لكن تعرفين مب يدنا شيء..

اعتقد الحل ومثل ما سمعت بيكون فيه رقابه على عدم ارتفاع الاسعار وان شاء الله ما يتم استغلالنا مثل كل مره من قبل التجار ..

والله يعينكم ويعوضكم خير .. وان شاء الله عيالج ما ينسونج ويعوضونج ..

وكرد على سؤالج انا مع قانون الموارد البشريه الجديد ولو ان فيه بعض الملاحظات على الصلاحيات الكبيره للمسؤلين .. يعني في محاباه الله يستر..

__________________

توقيع الـدانــه

الحمدلله كما ينبغي لجلال وجهك وعظيم سلطانك