 |
|
|
06-02-2010, 12:25 AM
|
||||
|
||||
يتًَـنًَفس اللَُيَُـل
يتنفّس اللّيل من ضيقِ الزّوايا كلامْ و الوعد يفرشْ على رملِ الأماني حصيرْ الحِلْم ينصبْ على بيدا ظروفي خيامْ و يضمّني من شتا الواقع و صيف المصيرْ أستصغر الحِزن رغم إني أعيش فـ ظلامْ مثل القمر ، واقِعه مظلم لكنّه يِنيرْ أحاوِل أعكسْ طموحي في عيونِ الأنامْ و أكحّل الحال لو إنّه زماني ضريرْ يا كم هبّت على ضْلوعي رياحِ الهيامْ لي خلف بيبانْ صدري أسمع لْها صفيرْ حمّلتْ نفسي من الدنيا هموم و خصامْ و صار الأمل في عيوني مثل كفّ الفقيرْ اللي لِيا طاح دمعه و الأسى فيه قامْ يشوف نفسه وسطْ عين المزكّي كسيرْ قالولي صغير لا تحمّل زمانك ملامْ جاوبت قولوا لـ زماني لا تعارضْ صغيرْ تمرّ الآمال في عيني مرور الكرامْ شرواةْ صحوَ الضمير فـ صدر ما به ضميرْ و اليوم سقتِ الطّموح و نظرتي لـ الأمامْ و اللّي تِبقّى عليّ أفردْ جناحي و أطيرْ هِنا ترفرف من أفواه القصايد حمامْ و أشم لـ العز ريحة زعفران و عبيرْ لـ عيون أرض الكرامة و الوفا و السلامْ بحاوِل أرضي القليل إن ما رضيتِ الكثيرْ عسى أول الصّبح يكتبني ع صدر الغمامْ شاعر طموحه يِجمّل موطنه للأخيرْ يا دار شاعرْك صمته طال له حول عامْ مدّيه تصفيق دام إنّ الشّعر منْه غيرْ لو يازم المجد في سيره بعيد المرامْ لا بدّ يوصل مدامه صار لـ اهله سفير ْ هِنا يطيح العَتَب من فوق كتفِ الهمامْ و أخطّ فـ كتابي شي : ممكن يِصير غيري يقول المطر ناتج من الاصطِدامْ و أنا أقول السّحاب أتعبْه طول المِسيرْ يبغي يِخفّف من حْمول اللّيالي الجِسامْ و أرخى جفونِ العنا و انهلّ دمعه غزيرْ مثلي بعد ما اختنقْني الصمت ، صغت الكلامْ نثرتْ منْه الكثير و اللي تِبقّى كثيرْ عبدالله الجابري شاعر المليون 4..الحلقه الخامسه __________________
التعديل الأخير كان بواسطة خـفــوق زايـد; 06-02-2010 الساعة 12:28 AM     
|
|
06-02-2010, 02:39 AM
|
||||
|
||||
قصيدة جميلة جدا .. كلماتها روعه
تسلمين خفوق على الاختيار والنقل __________________
|
 |
| العلامات المرجعية |
| الأعضاء النشطين حاليآ الذين يشاهدون هذا الموضوع : 1 (0 عضو و 1 ضيف) | |
| أدوات الموضوع | |
| طرق العرض | |
|
|
|
SEO by vBSEO 3.3.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 |
 |
العرض العادي
