يا شيـن طبـعٍ فيـك .. يا زيــن الأطبـاع
....................... لولا الرجــاء .. ما كان خلّيته .. يفـوت
سَـنَـع .. يشـوّه لا تـذكّـرتــه .. أسـنـاع
....................... مثل الحصاة .. اللي وسط عقد ياقــوت
تخـفي هيـامـك .. وإنت ميـّـت وملـتـاع
....................... ما تـدري إنه في ملامـحـك .. منـحـوت
ويبخل لسانك .. وإنت للسمع .. طمّـاع
....................... والبخل .. في سِلْم المحبيـن .. ممـقـوت
الحكي .. قوت السمع / وأسامعي جياع
....................... ومسامـعي ماتت من الجـوع .. للـقـوت
وحكي الغزل في صدرك أشكال وأنواع
....................... لكن صمتك .. حوّل الصـدر .. تـابـوت
إلا طَلَبتـك وصـل .. صعّبـت الأوضـاع
....................... مدري .. من اللي درّسـك جعله يمــوت
تصـد .. ما كـنّـك من الصـد .. مـرتـاع
....................... وإن قلت : يا القاطـع .. تلفّـت مبـهـوت
أقطع بـ دَرْب مواصلك في الشهر.. باع
....................... وإلاّ إنت تقطع للوصل فـ السنة .. فوت
طعني .. وطاوع واحدٍ فيك .. ما طـاع
........................ ناسٍ ضعاف عقول / وأشوار / وبخوت
وإلطف بحال اللي نحـل حاله .. و راع ..
........................ قلبٍ جروحه .. تنزف أفكار .. وبيوت
قلبـي .. إلا منّه شـرى قـلـب .. ما بـاع
........................ وإنت هالله هالله فيه .. والعمـر موقوت
اسمع أشعاري في الهوى وارخ الأسماع
......................... ياللي غـلاك بـ تربـة القلب .. مكـتـوت
لا .. للفـراق .. و لا .. لتجديـد الأوجاع
........................ ونعم .. نعم للوصل .. لو كان بالصوت

__________________

توقيع ام عتريس

لااله الا أنت سبحانك انى كنت من الظالمين

قصيدة جميلة وكلمات رائعة

تسلمين ام عتريس على الاختيار

__________________

توقيع محمد المصراوى

قوانين منتدى شمس قطر يرجى قراءة البند 14 الخاص بعدد الموضوعات المطروحة يوميا والبند 22 الخاص بموضوع الرسائل الخاصة

قصيده راائعه واختياار مميز ,,,

تسلمين ام عتريس

__________________

توقيع الـدانــه

الحمدلله كما ينبغي لجلال وجهك وعظيم سلطانك

السلام عليكم ورحمه الله وبركآته ..~*



كم رااقت لي الكلماات

يعطيك العاافيه على انتقاااءك المتميز

تحيتي

__________________

توقيع دمعة الـم

اختيارك ممتع
ياام عتريس

بجد قصيده حلوه

تسلمى

__________________

توقيع ياسمين