.مساء الخير
.
كل عام وأنتم بخير
.
.
.
عيدكم مبارك .
.
.
وعــزاه.. كانك ماتذكرت مغليك .....لوفي (رساله).. تجعل الروح حيّه
.
أن ماذكرته.. إذكر أنه على إيديك......(في عيد الأضحى راح لأجلك ضحيّه)...!؟.
.
.
.
.
قصيده أهديها لكم وأتمنى أن تحوز على رضائكم وأعجابكم.
زعــلان.. وأدري ماتبيـنـي أحاكـيـك
وضـاع العمـر.. مابيـن روحـه وجيّـه
شفتك زعلت وجبت لـك شـي يرضيـك
ولاعــاد تـزعـل ياحبيـبـي عـلـيّـه
خليـت كـل النـاس وجيـتـك أهنـيـك
في عيد الأضحـى ياأقـرب النـاس ليّـه
اليـوم عيـد.. وخاطـري بـس ألاقيـك
وأهديـك.. لاشفـتـك عيـونـي هـديّـه
أرتـاح أنـا لاشفـت إيــدي بأيـاديـك
وأعيـش أنـا ويــاك عيـشـه هنـيّـه
قلبـي.. وأعرفـه زيـن لوقـال مابـيـك
صدقنـي مايـرضـى علـيـك الأذيّــه
وعـزاه.. كـانـك ماتـذكـرت مغلـيـك
لوفـي (رسالـه).. تجعـل الـروح حيّـه
أن ماذكرتـه.. إذكـر أنـه علـى إيديـك
(في عيد الأضحى راح لأجلك ضحيّه)...!؟
شعر فيصل الدلوم
اختياري
سيف العشق