على كثر القصيد إلي سعينا نكتبه دايم
تنبأ لي خفوقي وماخيّب إحساسه

نعم عشنا بحزن غامض نعم الكل متشائم
ولكن ماهقيت أنه يجرعنا الحزن كاسه

يا فيصل من رحلت أنتَ وكل الناس والعالم
تردد يا عسى روحي بداله بس سلم راسه

يافيصل بس لو تدري وربي شاهد وعالم
رحيلك أجبر العالم يصيح اليوم بإفلاسه

فقدنا ضحكتك ياشيخ! فقدنا رايك الصارم
فقدنا بوحمد إلي تعهدنا لنوماسه

يافيصل لو بكت أرضك وصاحت يا زمن ظالم
بنبكي كلنا معها ونكسر للزمن باسه

وهذا شي ٍ مقدر وكلٍ مننا فاهم
ولكن الحزن فيني أبد ماتعرف قياسه

ومازاد الحزن فيني سوى خالد عسى سالم
بكا ثم ضم أخوه وثم باسه

وكل إلي يثير الحزن كيف الناس تتزاحم
على شيخ الشباب إلي ترك هالناس محتاسه

عزانا للمليك إلي بقا لمصيبته كاتم
يجامل يضحك ويفرح يوّجب كل جلاسه

رحل زايد رحل مكتوم رحل جابر وش القادم؟؟
رحل فهد ورحل فيصل وكلٍ مننا جاسه

كرهنا شارع الزلاق ولكنه قدر حاتم
أخذ فيصل أخذ دره أخذ ماسه