بسم الله الرحمن الرحيم

السلام عليكم ..........

لاصحاب التقحيص و الاستعراض ..

اليوم بعد ما خلصنا الامتحان صار حادث مروع امام مدرسة محمد بن عبدالعزيز المانع

ثلاثه من الشباب(طلبه) الي خلصوا من الامتحان كانوا يستعرضون بالسياره (( جمس)) واثناء استعراضهم السائق وهو مسرع حوالي 140 كيلو متر في الساعه سحب هاند وطلع الرصيف الي كانوا يمشون فيه شابان ((طلبه)) بعد هم خلصوا الامتحان ومنتظرين ابوهم يروحهم وهم ماشيين في حالهم الأ والجمس فوقهم دعمهم المساكين والجمس طير فيهم وانقلب 4 قلبات ((لو تشوفون )) وواحد من الي كانوا ينتظرون ابوهم انقطعت رجله اليسرى و(( شفتها بعيده عنه في الشارع)) من تحت الركبه وانكسر راسه (( الجمجمه )) والمخ مبين لاكن في الوقت نفسه لازال عايش ويتنفس وراح المستشفى وهو بين الحياه والموت والثاني بعد انكسرت يده ورجله وحالته اهون من صديقه ، اما اصحاب الجمس2 منهم ما صار فيهم شيء الا اصابات طفيفه وواحد طار من السياره وهي تتقلب وطاح على ضروسه وتكسرت لكن قام ، ومدرسنا الانجليزي كان يقول للي انكسر راسه اتشهد اتشهد وما كان يقدر يتكلم والولد ما شاء الله عليه شاطر في كل المواد هو وصديقه ، وابو الولد الي انكسر راسه اجاء يروح ولده لاكن انصدم يوم شافه طايح والناس متجمعين عليه والاسعاف والشرطه وراح عند ولده لاكن الشرطه ما خلت الاب يشوف ولده من المنظر البشع والاسعاف اخذتهم للمستشفى ومحد للحين يعرف حالت الي انكسر راسه و صاحبه ...

وهذي دعوه لاصحاب التفحيط والاستعراض اتقوا الله هذا انتحار وايش ذنب الناس الماشيين في الشارع هذا من تهورهم وراح ضحيتها ناس ما لهم ذنب (( لو تشوفوا المنظر .......... ))

وهذي عبره من الله لمن لم يعتبر



هذا الموضوع منقول كاتبه اخوي والحادث صار اليوم بس انا عندي صرخه احب اوجها لاهالي الشباب(المفحطين) لهاي الدرجه ولادكم رخيصين عليكم وش ينفع الندم الحين الولد اذا صار له شي وش تتوقعون ان اهله يسامحون الشاب صاحب السياره,( حتى الليسن ما عنده )لا لازم ياخذ عقابه ويصير القصاص علشان يتعظون الشباب المستهتر بأرواح الناس والاهل لازم يذوقون العذاب اللي ذاقوه اهل الضحيه ويجنون ثمار التربيه السيئه 000والله انايوم اطلع في السيار
0ه ونتاخر في الرجوع الى البيت واحنا مروحين اخاف واشهد اثناء مرور الشباب
بسياراتهم ويفحطون , لاحول ولاقوة الابالله بنموت واحنا ماشين في امان الله

شموسه...

بطبيعة الشاب يحب يسوي هذه الشغلات ماتقدرين تمنعينهم

يعني عندنا قوانين عندنا دوريااات بس مافي فااايدة

ماقول إلا الله يحفظهم

لا حول ولا قوة الا بالله

هذي اخرة الطياشة الغير مسؤولة
والحين تلاقينهم هم واهاليهم يترجون الناس علشان يصفحوا عنهم

يجيبوا لنفسهم المشاكل ولاهلهم قلة القيمة

الله يهدي شبابنا بس

شموسة
تسلمى حبيبتى
فعلا لا نستطيع سوى ان نقول اتقوا الله

__________________

توقيع تـــوتـــا

تسلمين نواري على المرور 0000بس انا ماوافقك بأن طبيعة الشابيسوي هاي الشغلات ارى الشاب المستهتر بروحه وبأهله وبكل شي بس هم اللي يسوون جيه لكن الشاب العاقل ما اظن تفكيره كذا بالعكس هذولا شباب مستهترين ومايقدرون النعمه اللي هم فيها اشوف سياراتهم اخر موديل لكم من استهتاره وعدم احساسه بالمسؤوليه والتربيه الخاطئه هي اللي جعلته يوصل لما وصل اليه الان 000وان لو عندي ولدي او زوجي او اخي يسوي كذا وانا مسؤوله عنه والله ما اخليه احذر البينه وترى التربيه من الصغر ماتعودون اولادكم كل اللي يبغاه يتنفذ له لا لازم يحس بالمسؤليه والاهل هم في الاول والاخير مسؤولين عن تصرف ولدهم وعن تربيته 000وما اقول الا حسبي الله عليهم شباب وحسبي الله عليهم اباء وامهات 000


هلا اخي ناصر 00 ومثل ما قلت هذي اخر الطياشه اصلا الولد اللي كان يسوق الجمس ما صار فيه شي سبحان الله , الله يريده يشوف ويجني ما جناه جعد يصيح ويقول اتصلوا بالشرطه من الخوف ومن المنظر البشع داخ وطاح على الارض لكن ما صار له شي 000واتمنى ان اهل الاولاد الضحيه ما يتنازلون وياخذون العقاب اللي يستحقونه ليكون عبره

__________________

توقيع حــمـــد

هلا توتا والله نقلته( تراه منقول بلسان اخوي ) حبيت يستفيدون منه الشباب ويصحون شوي ويتقون الله وش ذنب الاولاد ماشين في حالهم والله يقصون علي القصه اول ما وصل البيت وهو دايخ ومفجوع من هول الصدمه وانا الى الحين اقول مسكينه الام يوم ولدها يطلع من بيته ومايرجع لها (ترى الولد اللي انكسر راسه سمعت انه في حاله صعبه جدآ جدآ ) الله يرحمه ويصبر اهله
لاصحاب التقحيص و الاستعراض

حمد اخي ياريتك مسؤول والله كان بردة قلبي فيهم ويستاهلون اكثر 000لازم يسوون حل لهاي الشباب تصدقون بالله وان اكتب لكم امام بيتنا دوار اسمع صوت التقحيص وخاطري حد يسوي شي لهم لكن من يسمع

__________________

توقيع هميان

لا حول ولا قوه الا بالله

ياارب حاجه صعبه فعلا موضوع الحوادث دى .الله يبعدنا عنها
لكن ده فعلا حال الشباب المستهتر واهلهم سايبينهم كده من غير نصيحه او شىء

تسلمى شموسه.الله يكفينا شر الحوادث
ويارب يكون مع الشابين دول ويشفيهم

__________________

توقيع نرمين