تقريبا من ثلاث شهور والجامعه كلها تتكلم عن بنات الرياض كل ما امر على بنات او ادخل سكشن ماسمع الا بنات الرياض ، حاولت كذا مره اعرف وش الموضوع؟! وش فيهم بنات الرياض ؟! من هم بالضبط؟! ماعرفت
لغاية ما طفح الكيل عندي وقفت وعزمت اني اسأل البنات عن موضوع البنات ؟
بكل بسااااااااااااطه طلع


((( كـــــــــتــــــــــاب )))
او بالأصح روايه اسمها بنات الرياض ، استغربت بصراحه ماتوقعت ان شعبنا محب للقراءه لهذي الدرجه لاني فعلا ما مريت على احد -بنت او ولد- الا وكان يتكلم عنه ، حاولت اعرف وشهو مضمونه او وش يتكلم عنه ، مالقيت الا رد واحد وهوووو ((((حلو كله فضايح )))

الجمله هذي بصراحه زادت فضولي مع اني مش من محبي القرائه ولاني بحولها
<<<< طبعا واضح من الاسلوب

طلعت من الجامعه وعلى طول على المكتبه ، سألت عن الكتاب فطلب مني الرجال اسمي فأستغربت ليش طلب اسمي ؟؟ او بمصطلحنا الدارج اششششششدخل
فرد علي بكل برود ان الكتاب هذا بالحجز لان عليه اقبال شديد وهذي الطبعه الثالثه وللحين عليها نفس الاقبال !!!
فطبعا انا ماكنت حاجزه فقالي لي احجزي اليوم وبكره اشتريه ،طبعا هذا الشي زاااااااااااد من فضولي الف مره .
ادري طولت عليكم بحاول اختصر
اشتريت الكتاب في اليوم الثاني ودخلت غرفتي وسكرت جوالي وقفلت الباب لاني ماكنت ابي اي ازعاااااج لاني لاول مره من ايام الاعداديه بقراء كتاب
وفعلا قريته بصراحه تحسفت اني قريته !!! هذا مش معناه ان الكتاب سخيف او مش حلو ، بالعكس الكتاب جدا طريقه حلوه بس المشكله انا حاولت افهم البنت هذي اللي كتبت الروايه اللي تقول انها حقيقيه وش تبي توصل له بالضبط ؟!!!!!!
طيب فضحتي نفسك ورفيقاتك وبعدين بتقول انا احاول اغير المجتمع اللي نعيش فيه ؟؟ بذمتكم المجتمع اللي هي تتكلم عنه راح يتغير لما الناس يقرون فضايح صديقاتها ؟؟؟
طيب لو (سلمنا جدلن)<< بصراحه كذا اسمعها ماعمري قريتها
ان الكتاب مفيد ، فهو يفتح عيون البنات وينبهم لبعض الاخطاء اللي يقعون فيها البنات ويكون بمثابة درس لهم عشان لاينضحك عليهم
بس وبعدين وش الفايده من هذا الكتاب اللي اخذ اكثر من حجمه ؟؟

ارجوا من اللي عنده وقت وفاضي وزهقان انه يقراء الكتاب هذا واذا استفاد شي او بالاصح اذا وصل للشي اللي الكاتبه تبي توصله من الفضايح اللي ذكرتها يقووووول لي .

ادري طولت عليكم اعذروني

__________________

توقيع امنه

تسلميين امنه

وهالموضوع تم التطرق اليه من فترة في بداية ما نزلت الكاتبه الكتاب بالاسووواق .. وانا بصراحه ما قريته ولكن لقى اعتراضاات من فئه كبيره من القرااااء وبالاخص السعوديين ..


تحياتي

__________________

توقيع الـدانــه

الحمدلله كما ينبغي لجلال وجهك وعظيم سلطانك

صراحة اول مرة اسمع عنه

ومن سردك للموضوع اعتقد انه لا يستحق القراءة

اشكرك اخت امنة

هو قصة عن ثلا ث بنات سعوديات ,, ولو افترضنا ان الرواية فيها شيء من الواقع
لكـــــن ,, (( الاسم )) احس انه ماله داعي ,, خاصة ان المجتمع السعودي محافظ
ولو كانت هالاحداث الموجود في الرواية موجودة على ارض الواقع بتكون نادرة
.. واتوقع سبب الضجة اللي صارت هو تعميم الرواية بـتسميتها بــ (بنات الرياض)>> يعني ان هذي حياتهم الطبيعيه اليومية
عالعموم الكاتبه معروفه بتحررها..

في رايي الشخصي ان فيها اشيا مبالغ فيها
لكن كرواية حلوة

تحيااااتي..

__________________

توقيع $مزعلة النسا$

What goes around, comes around l(so true!!)l

يسلمووووووووووو

شكرا اخت امنه 0000 فضايح بنات الرياض وفضايح بنات الكويت وفضايح بنات000 الخليج 00 ليش الاستغراب 00 هذا شي حقيقي 00 ولو كان قليل 00 لان طبيعة مجتمعاتنا في الخليج لهم ظروف خاصه 000 من كان يتوقع شذوذ النساء 00 ومن كان يتوقع انفراط القيم 00 من 00 ولكن لنعلن الحقيقه المره اننا نعاني من سلوك شاذ من الرجال والنساء 00 ونسأل الله العفو 00 وشكرا للاخت امنه

__________________

توقيع البرك

[IMG][/IMG]

اشكرج يااخت امنه كما تعلمين الدنيا تجارب للفرد وانا ما اتوقع انها تكون القصه حقيقيه الماذا نقول عنها قصه حقيقيه ..................ولاكن الماذا لا نقول عنها قصه مؤلفه حتى يسئون للفتاه الخليجه هو صحيح المشاكل لى من هذا النوع كثير بس صعب على البنت الخليجيه انها تقوم بنشر نفس هذه القصص للعالم ممكن تشتكي الصديقتها المقربه منها وليس للعالم والدليل على انا غير صحيحه الماذا تذكر الاسم مادام هي ناصحه او تريد ان توعي البنات كانت قالتها من غير ذكر اسماء .
وممكن تقولون هذه القصه توعي كثير من البنات ولاكن انا اعتبر هذه الفكره غلط لان البنت معروفه بقلبها الطيب الحساس سريعة البكاء ممكن بجمله بسيطه تصدق وهي( انا غير من الناس كلهم واصابعج الخمس ليست بسوء والله يسامحج ما توقعت منك انك تفكرين فيني بهذه النظره وبعدها زعله...لخ) بعد هذه الجمله ماذا تتوقع من الفتاه ان تقول او تفعل................؟؟!!!!
جمله الكثير من الناس يقولها ويرددها الضحاياهم

لا حول ولا قوة إلا بالله ...


الله المستعان خيتي ...

فعلا اعتقد ان القصة الغرض منها الاساء للبنت العربية بوجه عام
اللهم استر بناتنا اجمعين

ممكن الكاتبة بالغت في طرحها وطرح فضائحها .. ولكن صعب الحكم

لاني ما قريت الكتاب .. في القريب العاجل ان شاء الله..



الف تحية عزيزتي ..

__________________

توقيع الــغــامــدي

سعوودي ..... وأفتخر Al-gamdi2@hotmail.com