هذي سلطه ايرلنديه تعتبر لذيذه جدا للي يحب البيض

المقادير :
8 بيضات مسلوقه
2 عود كرفس
4 اعواد بصل اخضر الطويل
6 شرايح خبز سليس ( توست ) ابيض
60 جرام زبده
3 ملاعق اكل جبنه البيرميزان
اوراق خس

الدرسنج هو Curry mayonnaise
مقاديره :
1 بصله متوسطه
1 ملعقه اكل كاري بودر
2/1 كوب مايونيز
1 ملعقة اكل عصير ليمون
2/1 كوب كريمه انا عن نفسي افضل كريمه للخفق بس بنت خالي تحط القشطه الفرش
ملح وفلفل اسود

الطريقه :

تقطعين الكرفس اللي شرايح رقيقه والبصل الاخضر وتخلطينهم في مله
بعدها تاخذين شرايح التوست وتنزعين الاطراف و تقطعينها بقطاعه بسكوت على شكل دائره تقريبا تكون بحجم شرايح البيض تقريبا 4 سم بعدين حطيهم في صينيه فرن وفرشيهم بزبده سايحه ونثري فوقهم جبنه البرميزان ودخليهم الفرن ليما يصيرون ذهبين واذا مالج خلق للدوشه هذي استخدمي الجاهز اللي يباع في السوبرمارمت الخاص بالسلطات مع ان هذا الذ بيكون شكله احلى لا نه نفس حجم البيض بيكون مو مثل اللي في الجاهز مقطع مكعبات صغار
بعدها تاخذين الصحن اللي بتقدمين فيه وتصفين فيه اوراق الخس لا تقطعينها بس خليها كانها ارضيه للسلطه وبعدين صفي علي الجهه اليمنى للصحن شرايح البيض اللي يفضل تقطعينه بقطاعة البيض عشان يطلع مرتب وفي نص الصحن تحط خلطة البصل والكرفس ثم على الجهه اليسرى نصف الخبز المحمص بعدين ندخلها الثلاجه

الدرسنج
نسخن ****ـده ونحط عليها البصل المفروم ليما يبتدي يذبل نحط عليه ملعقة الكاري بودر
نخليه لمدة دقيقه تقريبا وبعدها نرفعه من على النار وننتظر ليما يبرد تماما ركزي على تماما
بعدها نخلط البصل مع ****ـده مع المايونيز والملح والفلفل الاسود وعصير اليمون والكريمه اللي افضل انج تضربينها شوي قبل لا تخلطينها معاهم بيكون لونها مايل للبرتقالي الفاتح وبس
الدرسنج وجهز طلعي السلطه من الثلاجه وصبي عليها الدرسنج وبالعافيه
شوفوا بنت خالي تحط عليها اعشاب مع خلطة البصل والكرفس مثل الزعتر والاعشاب المخلوطه والاريجانو ونعناع كلهم تخلطهم معاه انا ماحط انتوا عااااد كيفكم اختاروا


انشالله تعجبكم
كان ودي اوريكم الشكل النهائي للسلطه وحتى طريقه تقطيع الخبز بس سامحوووني ماعرف انزل الصور

اذا مافهمتوا اي نقطه بس علموني وانا بحاول اوضحها لكم قد ماقدر واسمحولي على القصور

__________________

توقيع امنه

يبين عليها لذيذه

الله يعطيج العاافيه اختي على المقاادير

تسلمى امنه حبيبتى على الطرريقه

__________________

توقيع نرمين

ثانكس امنة

__________________

توقيع تـــوتـــا

يسلمووو امووونه على الطريقه ....
يعطيج العافيه وبانتظااار جديدج .....

تسلم واالله االاياادي اامنه .. ويعطيك االعاافية

كل االشكر واالتقدير .. لك

__________________

توقيع طامر صفحه

شكلها لذيذ

تسلم الايادي

__________________

توقيع بـيــداء

استغفر الله العظيم واتوب اليه