جاذبية فالعطور الأجنبية=سببت للناس فالسوق إندفاعي
لاتعطر قال موضة عالمية=حركت شوق المشاعر بالنخاعي
ياعطورٍ معه فيها جاذبية=فشّلت من صوبنا كل الدفاعي
عطرها الأول على حد الثنية=وعطرها الثاني يفوح ولايراعي
مرني واعطيت له ذيك التحية=ضعت واللي شاف زوله معي ضاعي
وإبتسم ثم إلتفت وأقبل عليه=قال لي بعض التصرف ماله داعي
قلت عذراً والخطاء مني وفيه=ثم ثنيت التحية برتياعي
وابتسم واقفى بنياتٍ خفية=قلت وقف واستمع وأفهم وضياعي
قال لو صفيت كل الأبجدية=ونضمت القاف فيه مااستطاعي
مااستطاع يوصف أوصافٍ غنية=بالجمال اللي ماكمل بالصناعي
قلت ياسِيد الحسن هذي قوية=وأنت حسنك مايجي فيه النزاعي
واستدارت ورحلت وانا الضحية=والهوى ياناس والله مايراعي
حسبي الله فرقتنا الأجودية=خابرٍ سلطان جنبي ثم ماعي
خاف تمسكنا بوسط السوق هئية= هئية المعروف والمنكر سراعي
مادريت أن الخوي يرْخص خويه=والله أنه معي بلسانه شجاعي
عاذره لو كان ماجاني خطية=قال راح يدور ألبان المراعي

المشاركة الأصلية أضيفت بواسطة : محمد المصراوى ماشاء الله القصيدة والابيات غاية فى الجمال والابداع الكلمات معبرة والطرح راقى جدا تسلم اخوى ولا هنت

المشاركة الأصلية أضيفت بواسطة : دمعة الـم السلام عليكم ورحمه الله وبركآته ..~* جميلـ هو الابحــار هنا بين أمواج إبـداعــكــ ورائع هو التجـوال بين أحرف الجمال التي جاد بها قلمك هنا توقفت طويلا لأستمع إلى تلك المعزوفة الساحرة التي لحنها قلمك الماسي على أوتار توقفت هنا لأتـأمل منبع الابداع وأنظـر إلى أجمل لوحاتك بعيني تقبل مروري

المشاركة الأصلية أضيفت بواسطة : zahr قصيدة رائعه سلمت يمناك ولا فض فوك تقبل مروري المتواضع تحياتي

المشاركة الأصلية أضيفت بواسطة : جمالك سيدتي روعه ماقدمت ... كلمات في قمة الروعه وفي غاية الجمال والابدااع ... يعطيك العافيه وسلمت يمينك ولاهنت