يامرحبا مـن منزلـك لا وصولـك=الأرض نفرشها لك اورود وأزهـار

الشرق يفخر لـو تدوسـه رجولـك=أهل الخبر تخضع ومن جـاه زوار

شئياً طبيعي مـن عيونـك وزولـك=أعطـاك ربـي ياحبيبـي بمـقـدار

لونـك ووزنـك ياحبيبـي وطولـك=مالك شبيه ولاسكـن مثلـك الـدار

كـلاً تشبَـه وأنـت مايشبهـو لـك=شكلك فريد ومنسبك نـاسٍ أحـرار

يحقلـك تغتـر فأسمـك وأصولـك=هذي حقوقـك ثابتـه مالهـا إنكـار

الأرض لامنـك مشيتـي ذلـولـك=تثبت ولو قالـوا تـرى الفلـك دوار

ياليتني ساكنٍ فـي جنبـك وحولـك=يرتاح قلبي لو مـن دونـك جـدار

البيض لاشافوك غصـب وقفولـك=تبهر عيون البيض ياسيـد الأقمـار

خيولهـم تقصـر وتسبـق خيولـك=دائـم تفـوز ولاتعـاد لـك الأدوار

عذبتنـي مابيـن جـدك وهـولـك=تزعل يضيق الشرق عندي والأقطار

إن جيتني غالـي وتعـرف نزولـك=وإن رحت غالي ماحصل بيننا.اسرار